能力愈大 責任愈大

出自於《蜘蛛俠1》班叔叔

細個睇個陣已經好深刻既一句對白，個陣時明白字面點解，但體會唔到當中意思。

到宜家唔單止明白，仲深深感受到第一個講呢句說話既人有幾大重擔，幾大承擔。

有時唔係想誇耀自己既能力有幾高，只不過當你有咁樣既能力，就要識得去取捨邊啲做到邊啲做唔到⋯⋯ 而唔係樣樣都盲鐘鐘去實行，因為我知道一定會碰釘！

今日既Muticam CA2我本來覺得只係玩緊角色扮演，做「導演」都不過係個身份。

但到件事要做出黎，每個人既扮演開始變得投入，我既身份亦唔再係花瓶，個個有問題都導演前導演後，每個崗位我都要去親自解決佢地既疑問，而每一件事做得唔好，矛頭就指向叫做最「話到事」個位，即是我。本身我就係一個一心不能二用既人，但呢個角色對我作出左一個呢方面既考驗，而我真係被考驗到，結果做出黎既過程或是成品都未能盡美。

今次導演經驗，考驗左我交代能力，控場能力，應變能力同埋分工能力。

每樣野都係我既弱項，不能勝任，打擊左我想做導演既諗法。雖然我明白一次既考驗唔代表到將來，但係往往人生既分盆口，就係經歷到引申出黎。

睇黎我要係短期內重整一下自己目標同去向。

【能力愈大 責任愈大】我體會得到，但【能力不遞，責任龐大】更是令人筋疲力竭。